Kakatapos lang namin mag-grocery sa Shopwise kanina. Konti lang pinamili namin. Shampoo, deodorant, green papaya facial cleanser, ilang kartong gatas, gulay-gulay at pansahog para sa uulamin sa darating na linggo. Syempre, ang walang kamatayang Pepsi Max din.
Pagdaan namin sa chicheria section, nanumbalik ako sa panahong suot kong pampasok sa eskwela ay puting short sleeve polo at khaki shorts. Nakita ko yung lagi kong binibili sa tindahan sa tapat ng bahay namin tuwing hapon.
Hehehe... Naaalala mo rin ba yung panahon ng kabataan mo? Ako, ito yung madalas kong merienda tsaka Coke 500. Kaya hindi na rin ako nagtataka kung bakit ganito ako kataba ngayon. Kung wala nito, Peewee crackers yung kadalasang pamalit. Pero hindi ako masyadong mahilig sa Peewee. Dati pa man, hindi ako nahilig sa maanghang na chicheria.
Bumili ako ng apat nito kanina. Bukas dadalhin ko sa office para sabay-sabay naming sariwain ang panahon ng kabataan namin.
No comments:
Post a Comment